السنة التحضيرية

نصائح

السلام عليكم ؟

وحششششتووووني قد السسماء و الارض ~ 9wndtp5voh

ايش اخباركم ؟ ان شاء الله كلو تمام ؟

اعتذر ممممرة على الغياب الطويل ~ 1No60910 لكن كنت مسافرة برا و اخذت بريك طويل لنفسي احدد فيه نفسي

الموهم مو موضوعنا n6xt_com-a63762bd6e

اليوم جيتكم بموضوع مهم ْ وحطو تحتو ستين الف خط احمر !2

موضوع بيهم البنات اللي زيي دوبهم يدخلو التحضيري او التوجيهي ~

انا زيكم احترت و حوسة و مافهمت ايش اعمل او ايش اسوي

الحمدلله انا انقبلت تحضيري جامعة الملك عبد العزيز

و جامعز عزوز حقتنا مختلفة في الملابس بحيث مو مشترط علينا نلبس تنانير زي باقي الجامعات

وتقريبا نحن الجامعة الحكومية الوحيدة اللي كدا 108

و نبدا نصائح من ناحية الازياء /

 * كتير قالو لي من الطالبات الجامعيات انو لا نشتري ملابس كتير :

1- لانو تكلفة و على الفاضي

2- لانك بمكان تعليمي المهم انك تلبسي اللي يريحك و يساعدك على الحركة

بمعنى انسي الكعوب او الضيق او حتى القصير لانو المباني كبيرة و راح يطلب تتنقلي من مكان لمكان عشان تروحي للمبنى المطلوب

3- مع الوقت راح تنشغلي بالدراسة و مابتستفيدي من كترة الملابس

4- اشتري المريح لكي خاصة في شوزات و التنانير او زي حال جدة البناطيل

5- خصصي شنطة او شنطتين كبيرة كروس بادي تكون ذات ماركة كويسة عشان تعيش لانو هتكون في كتب و ملفات و دفاتر و مشاريع و صدقيني راح تندمي انك ماخذتي بدي النصيحة بالذات

الكلام مايزعل يا بنات مافيها مشكلة لو اتكرر لبسك فانتي بمكان دراسي مانتي بحفلة و مايعتبر بخل

مو معقولة طول الخمس او سبع سنين هتشتري ملابس عشان كل يوم دوام ؟؟ 159

المكياج \

1- لازم تعرفي نوع بشرتك و ايش اللي ما ياثر عليها سلبا

لانو كل يوم المكياج وذا بياثر في البشرة و بيعمل حبوب و المسام السوداء و الحاجات دي

فافضل شي التطريب اليومي ي حلوين تجيبي غسولك وكريم الترطيب (بالبيت يعني)

2- المكياج البسيط احلى شي

مكوناتو : *بيبي كريم على لون بشرتك عشان منه يحمي وجهك من الشمس و كمان يرطب الوجه و جدا مفيد

*الماسكرا الخفيفة يعني لا تكوني جدا مفرطة بوضعها مافي احلى من البسيط

*الروج اللحمي او الوردي او الاحمر المطفي او اللون العملي المناسب

(اذا ماتعرفي اللون العملي المناسب فيك تروحي محلات المكياج و تستعيني بمساعدة الموظفات بيساعدوكي)

*البلاشر ~ طبعا هنا احنا نختلف على حسب بشرتك سوا برونز خفيف او الوردي الخفيف

*الكحل ~ الكحل مايناسب جميع الاعيون و انا عني نفسي يفيدني اكتر من الايلاينر

*الايلاينر ~ زي ما قالت في ناس تناسبهم الايلاينر و في ناس الكحل اكتر

<اهم شي في المكياج اللي يناسب وجهك وبشرتك و الاهم يكون بسيط و ماشي على استايلك>

الادوات او القرطاسية \

1- الفمكرة اليومي او الاجندة : انا جدا اشوفها مهمة لانها راح تسهل عليك تدوين ملاحظات اللي بيعطوكي اياها بالجامعة و مواعيد تسليم المشاريع و الاختبارات و الواجبات و كتير طالبات قالولي احتاجوها و استفادول منها

انا عن نفسي بطلب باذن الله من هاد الموقع هنا

انا اشوف سعره مبالغ فيه بعض الشي لكن جدا جدا جميل بوريكم الفيديو اللي يشرح كل شي فيه

ويمديكم تصممو دفاتر و تشترو ستيكرز او اقلام من عندهم موقع خطير

الفيديو

2- دفاتر : انا شفت بنات يجمعو اكتر من مادة في دفتر واحد و في ناس تشتري تدفتر لكل مادة

انا اشوف كبداية اجمعي المواد في دفتر واحد  و ان خلص عليكي اشتري غيرو

3- الملف ~ انا عن نفسي شفت كتير يشتروا شنطة ملفات الانجاز تذكروها حقت المدرسة ؟

انا ما عجبتني لانها هتاخذ مساحة كبيرة جدا في شنطتي و بتثقلها عشان كدا قلت اجيب الملف ابو حديدة اللي تضيفي له جيوب النايلون ~ ان شاء الله فهمتوني

من رايي ذا احسن شي مابياخذ مكان و لا ثقل كبير

4- اقلام : افضل شي تجيبي المجموعة الملونة عشان تفتحي نفسك بالدراسة بس لا تشطحي جدا بالالوان خخخ

و كمان اقلام التاشير مهمة عشان تاشير للاشياء المهمة في الكتب او الملازم او اي كان

و قلم الرصاص مهم و المحاية و المسطرة

5- الملصقات : خلي في بالك انك مو بمدرسة فمو ضروري تشتري حجم ابو دفتر خخخ المدرسة كانت عذاب

المهم هنا بتحتاجي المربعة او الدائرية او المشكلة عشان تكتي ملاحظاتك على المواد و الاشياء الضرورية

 الالكترونيات :

1- طبعا طبعا جوالك المحمول < ترانا مو بمدرسة هاه خذو بالكم 2_102

2- الشاحن المتنقل ~ دا مهم جدا لانو مع الانترنت طباريتنا تخلص سريع و زي الهواء بتطير فعشان كدا اشتري الاصلي حتى مايخرب معاكي و لا يخرب جوالك ~~

3- سماعاتك و سلك الشاحن

اشياء اخرى \

1- شنطة مكياجك لا تنسيهم و المهم تكون فيها مرطباتك و احتياجاتك ~

2- شنطة تضم الادوات تبعتك من اقلام و الخ ~

3- عطرك

4- قنية الموية تبعتك > عشان ماتتورطي وتخلص عليكي الموية

5- نظارتك الشمسية

6- محفظتك بشكل اكيد عشان بطاقتك الجامعية و الهوية و فلوسك ~

و بكدا اكون خلصت معاكم موضوعي qatarw_com_794063331 اتمنى انكم استفدتوا منو زي مانا استفدت من النصائح دي

شدوا حيلكم حبايبي و ربي معاكم و ان شاء الله اللي ببالكم تحققوه ~

لا تنسوا اللايكات و التعليقات و انشروا الموضوع عشان تعم الفايدة 2

في امان الله ~

Advertisements

2 comments on “السنة التحضيرية

  1. هلو… اعتقد انه الموضوع مفيد للي يدرسو
    حبيت انك تكلمتي عن تجربتك
    ما جربت هذا الشعور شعور دخول الجامعة لكن اعتقد ان كلامك كله صحيح
    ملاحظة على الاجندة الي حابة تطلبيها
    اعتقد في مواقع عربية توفر اجندة شكلها مشابه لهذه و بسعر اقل 😐

    إعجاب

thank you for readying my post o hope u comment to Z:*

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s