آفكـاري المجنـونة :$ ”

post1

السلام عليكم ورحمة الله وبركاته ~ 

كيفيكم ؟ تمام ان شاء الله !

البوست الموعود موهاهاهاهاهاهاها احس بالشر ي جماعة ~~ manga2

ما عليكم مني تراني طفشانة و حالتي تحزن بجد خخ mixed-smiles-154

جمعت لكم افكار حلوة و شفت شوية ناس تتطبقها فحبيت اطبقها معكم ~ manga11

على فكرة يهمني رايكم ماشي ؟ لا تسحبو علي ارجوكم ~ 

انتو اختارو افضل فكرة و فيكم حتى تختارو اكثر من اثنين بس بطريقة عجيبة شوية خخخ 

المهم راح اعرض عليكم الفكرة الحين و تحت راح يكون محل التصويت عشان اوضح كل فكرة و ليش اختارتها يعني ~ 

1- “تصميم بشكل اقل” 

بوضح لكم المقصود هنا بقصد هنا لما بدي اصم لكم مثلا رمزيات اصمم لكم فقط من 4 الى 10 اكثر من كذا ما بصمم لانو بياخذ وقت طويل تجميع صور و وقت اطول في تنسيق مثلا كلام او اكشن المصممين راح يفهمو قصدي هنا و ذا شي متعب و ياخذ وقت مني و انا بحاول اسعدكم و بنفس الوقت اسعد حالي لاني مو زي زمان اقدر اقعد ساعات و ساعات على النت الحين عندي وقت محدد فقط ~ 

2- “تصوير اكثر لاغراضي و من هيك اشياء” 

بعرف انو اغلبكم لما حيشوف تصوير بيعرف انو مش احترافي لاني ما بطلع للاحتراف بطلع فقط للتصوير لاغراض بحبها لاشياء سويتها اواشتريتها ~ شفت في مدونة او مدونتي طبقتهم و حبيت اجرب الاسلوب ذا عندي كاميرا كويسة جدا بتصور حلو و تمام و بستخدمها في تصوير نفسي و رحلاتي و اغراضي كمان ~ 

3- “مواضيع من اختياري و احتمال من كتابتي كمان ” 

حبيت الفكرة ذيه لانو في ناس ثير تجاهل حاجات كثيرة عن الحياة زي مثلا عن الجوالات كيف ممكن تبعدي عن البرامج اللي تسبب فايروسات و كيف تحميه و كمان حجيب عن الصحة كيف ممكن طريقة منزلية تساعد شعرك على عدم التساقط و اللي حكون انا سويتها فيكم قبل ما احطها , اللي خلاني افكر فيها لانو انا امشي على حاجات صحباتي كانو يجهلوها فقلت افيد الناس كمان ~ 

4- “مرة كل اسبوع اكتب عن مدونة ادهشتني” 

اللي عجبني في ذيه الفكرة انو ادعم المدونة بطريقة مافي مقابل منها يعني امدح صاحبة المدونة سواء اعرفها او لا و كمان انتقد المدونة بس اسلوب طبعا ما يزعل قبل ما اخذ مدونة و اتكلم عنها باخذ موافقة من صاحبتها اني اكتب عنها زي التقرير لكنه يمدح و ينتقد و انها تكون بقلب و عقل متفتح حتى اكمل مشواري ~ 

5- “مسابقات مختلفة تماما” 

مسابقاتي اللي حسويها غير عن مسابقة افضل كتابة او افضل مدونة او افضل تصوير او افضل تصميم والخ ~ لا مسابقات اشبه بلعبة تقدرو تلعبو و تتسابقو في المراكز و اللي يفوز بحدد جائزته ~ 

6- “تجربتي مع المنتج” 

اصور لكم منتج و احدد لكم السعر و المكان (للاسف فقط حيكون على مكاني تواجدي) بحيث احدد لكم الفائدة منه و كم مدتي في استخدامه و كذا يعني , حبيت الفكرة ذيه لما شفت مدونة صاحبتها تشتري اغراض و تستعملها و بعضها اغراض جدا بسيطة و تقدرو تلقوها في كل مكان تقريبا و انو كيف افادتها فحسيت انو اكيد انا كمان حقدر اسوي كذا ~ 

تقريبا كذا كل شي $$ لو في عندكم اقتراحات مجنونة و خبروني بصراحه عشان يمكن يمكن تعجبني و احطها $$ ساعدوني في التصويت ارجوكم $$ والا بطفشكم و انفذهم كلهم موهاهاهاها 

المهم لو عجبتكم كلها راح احط خيار “جميع ما سبق” < مايفكركم بالمدرسة ؟ شريرة افكركم باسوا ايامكم موهاهاها manga2

ويمديكم تختارو العدد اللي يعجبكم من الافكار اللي عجبتكم .

يلا نوصل للتصويت ~

يلا سلام ~

Advertisements

2 comments on “آفكـاري المجنـونة :$ ”

  1. السلام عليكم
    كيفك اخبارك ؟ ان شاءالله بخير !!
    و اخيراً رجعتي لنا :قلبمشقوق :
    المهم انه اشتقت كثير الى تدويناتك فلما شفت هذي التدوينة فتحتها بسرعه
    المهم فكرة التدوينة جميلة
    والافكار اليي حاطتها هم حلوه
    حبيت اكثر شي الفكرتين 3و 4
    حلو انه الشخص يكتب مواضيع من عنده و كذا
    احس انها افكار جديدة و انه انا تعبت في الموضوع حقيقي
    لذالك انا سابقاً فكرة ببرنامج تذمر حسيت انه فكرته جديدة
    وفي امور مهمله تحتاج الانتقاد و الرفض 🙂
    اما من ناحيت المدونات اعجبتني الفكره من ناحيت انه في بنات
    ما شاءالله مدوناتهم جميله بس مافيه احد جالس يدعمهم
    او يشجعهم و بعد فتره تنطفي عزيمتهم و يقفلون المدونة
    لذلك عجبتني لانه حسيت فيه تشجيع و كذا .
    من ناحيت التصاميم انا معك فعلاً الامر متعب من ناحيت التصميم
    و اختيار الصور وانتي اكيد ما تبينها فكره مكرره فلازم تتعبي
    تصويرك لاغراضك فكره جميله ايضاً وانا عندي مدونات تسوي كذا
    وهذا شيء مفيد خصيصاً اذا كنتي تكتبي تجاربك مع كل شيء تحطيه مثلاً على كريمات و كذا
    وانا شخصياً استفدة من هذي المدونات كثير لانه تفيدنا من ناحيت المنتجات الي نشتريها
    وانه مو اي شيء ينفع 🙂
    اما على المسابقات فهي ما حمستني الفكره كثير
    لانه لقيت الحين الكل جالس يسوي مسابقات فلو كانت شيء مختلف عن الي جالسين نشوفه
    يمكن اقتنع 😐
    بنسبه الى المونتجات انتي قصدك تكونين تاجره و كذا اذا هذا قصدك فهو فعلاً شيء مربح
    لانه انا القى كثير تاجرات مستفيدين من الشغل و كذا الله يزيدهم
    فانا اتوقع انه راح تكون فكره ناجحه لك اذا كنتي تعرفين تسوقين وكذا
    لانه اغلب الي يكونون تاجرات او يبيعون يكون لسانهم معسول و من هذا القبيل
    افكراك حلوه و اتمنى منك تطبقيها كلها و لا تقتصري على اي وحده فيهم
    لانه كلهم جميلين
    و تم التصويت 🙂

    إعجاب

    • وعليكم السلام $$
      انا الحمدلله بخير , ان تكونين بخير ي رب $$
      اوووه اسعددددني الكومينت الجميل و الطويل تبعك شكككرا عليه تشومممل شكرا $$
      امس كنتت بمدونتك ولسسه كنت بسوي كومنات و لايكات الا وجا النكد و اطريت اخرج خخخخ اليوم حكمل مشواري هع
      عموما نرجع للرد
      انا فرحانة انو عجبتك الافكار
      انا معكي في ناحيته انو ي مدونات ما تلقي دعم وبعرف بنات هيك و كان بهل الطريقة اقدر ادعم اللي احبهم بدون ما يطلبون و لا بدون مقابل منهم ابدا ابدا ~
      وان شاء الله اقدر انفذها برضو $$ .
      صح التصميم متعب و لازم تتميزي عشان ماي روح التعب على الفاضي و بنفس الوقت ترضى الناس و صعب ارضى الناس ~ .
      يب حتى انا شفت الفكرة و عجبتني و غير في ناس تحب تعرف عن المنتج قبل ما تشتري و خاصة في الجوالات و اغراض التجميل فاهمه كيف ؟
      يب عجبتني فكرة انو لعبة نلعبة بس نعتبرها مسابقة في نفس الوقت انو منافسة بين الكل و كذا ~
      لا كان قصدي انو اكتب التجربة من المنتج مش اكون تاجرة فيه لانو ماحقدر اكون تاجرة فيه , انا بشوف انو تصويري للاغراض مختلف عن فكرة اكتب فكرتي و تجربتي عن المنتج عرفتي الفرق ~ ؟
      ان شاء الله يارب اقدر استمر فيهم و احاول قدر المستطاع احط كل جهدي و تعبي و انفذها بشكل افضل بكثير
      شكرا لكي على تواجدك في مدونتي ودعمك الدائم ي حبيبتي نورتي مدونتي $$.

      إعجاب

thank you for readying my post o hope u comment to Z:*

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s